Another powerful app has been developed!

Isang California-based tech company ang naglunsad ng isang panibagong tool na kayang gawing Powerful biometric scanner ang iyong iPhone 4 or 4s. Inilabas ng AOptix ngayong Tuesday ang kanilang bagong app na may kasamang wrap-around device kung saan nagagawa nitong maging portable iris, face, fingerprint at voice scanner ang iPhone 4 or 4s.

Ang nasabing software at hardware ay tinawag nilang AOptix Status kung saan umaabot ang device ng $199 kasama na nito ang wrap-around device. Ginagamit ng app nito ang camera para ma-capture ang mukha at makapag-record ng voice at may extrang camera pa na ginagamit sa iris scanning at isang maliit na sensor para naman sa fingerprints. Magpapalabas din ang AOptix ng isang software development kit para mga customers na gusting i-customize ang kanilang app.

Noong February ay nagbayad ng mahigit $3 million ang Department of Defense para makalago ang nasabing device.

Ang likod ng ideyang ito ay ang paggawa ng isang biometrics na may madaling recognition at portable. At madali itong magamit lalong-lalo na sa mga paliparan kung saan magagamit ng police para sa customs checkpoint na hindi na gagamit ng malalaking scanning device.

Sa isang demonstration na ginawa ng Director of Product Marketing Joey Pritikin, ipinakita niya kung paano gumagana ang systema nito. Ipapasok ang iPhone sa device at i-plug ito sa isang 30-pin na connector at ilulunsad ang app. Ang interface ng app na ito ay user-friendly at madaling lang gamitin, at pwede mo ng i-register sa biometrics ang taong nasa harap mo ng walang kahirap-hirap. Gamit ang iPhone ang app ay pwede din i-rehistro sa GPS coordinate at i-transmit ang lahat ng data gamit ang mobile internet connection nito.

Idinisenyo din ang app na ito na tumulong sa user na ma-determine ang distansya ng kaharap nito at automatically na kukuha ito ng picture kapag nasa tamang anggulo at distansya ang gusto mong i-rehistro na tao. Pwede ding gumawa ng person’s profile kung saan pwede mong ilagay ang face, voice, fingerprints, iris at biographical information ng tao.

Ayon kay Pritikin ang device na ito ay hindi for sale sa mga customers bagkus ito’y binibenta lang sa mga government agencies pero maliban ang Iran at North Korea dahil ayon sa kanila, sumusunod lang sila sa mga guidelines ng U.S. Department of Commerce. Dahil baka gamitin itong device sa masamang paraan na sila mismo ang magiging biktima.
Mayroon na ding bumili ng device na ito pero bawal nila itong sabihin pero may shipment na daw sa huling week ng April.

Image Courtesy of Mashable and AOptix